原标题：TVB台庆剧《解决师》口碑扑咗？王浩信D戏你觉得
近日新剧《解决师》
接棒《金宵大厦》播出啦
大家有冇睇到先？
作为台庆剧
剧集嘅宣传一波接一波
而且《不懂撒娇的女人》
Saving&Cherry呢对CP
终于可以喺新剧中“再续前缘”
不少fans都大叫兴奋！
今次《解决师》剧情主要围绕
王浩信出演嘅O sir展开
讲述原本身为“解决师”K
痛失至爱又遭到嫁祸追杀
受伤获救之后离开澳洲
以O sir身份喺学校担任体育老师
但“第二人生”未能一帆风顺
O sir要运用才智同身手
解决各种问题
剧集有咩精彩嘢睇？
嗱，王浩信身高数据为186cm
喺剧中有大量动作场面
手长脚长嘅佢随便起个飞脚
都好似特别劲D！
同剧仲有早前《金宵》嘅
“打机女神”张曦雯担任女二
虽然一开波就话死咗
但会喺回忆出现返
另外仲有继《十二传说》后
再演警察嘅张颖康
佢同冯盈盈戏中係一pair
早前预告片段就播出咗
二人嘅亲密场景
已经引起不少讨论！
另外仲有好多
《溏心风暴》嘅熟悉面孔
会喺剧中出现噶！
but
希望越大失望越大？
可乐君同大家睇咗两集
目测好似冇预期咁精彩？
有观众觉得剧情离地
而且王浩信开场好造作
emmm
虽然开局口碑麻麻
不过《解决师》一共30集
要继续睇先G有冇惊喜
well
王浩信D戏好唔好就见仁见智
咁观众缘又如何呢？
早前可乐君做过一期
“你最唔like嘅TVB男演员”
王浩信成功夺得600几票
排喺黄子恒、洪永城
以及陈展鹏之后
成为“最唔like”排行榜TOP 4！
喺可乐君印象中
王浩信最初经常饰演D
二世祖类型嘅角色
轻浮嘅形象好难入屋
不过之后越来越多
令人印象深刻嘅角色
比如2010年《刑警》
佢同胡定欣一pair
2012年喺《名媛望族》中
虽然都係“衰仔”角色
不过佢忍受刘松仁连刮13巴
可乐君真係不得不写个服字
而且呢个经典场面
令佢凭“兜巴信”嘅称号出名
2013年《法外风云》再破纪录
王浩信被谢雪心刮咗22巴
到而家佢都係被刮纪录保持者！
之后去到2016年嘅
《EU超时任务》
佢同朱千雪组成荧幕CP
非常受观众欢迎
获得当年“最受欢迎剧集搭档奖”
王浩信成功跻身一线小生
去到2017年
王浩信主演《不懂撒娇的女人》
以及《踩过界》两部人气剧集
更凭《踩过界》夺得视帝！
其实王浩信饰演村长“渠头”、
暖男Saving或者係盲人大状
都有唔少人like
今次《解决师》一开波
太过刻意去chok
难怪大家唔係好buy啦！
今次，
你觉得王浩信D戏有进步吗？
嗱，就算係有份投个600几票嘅fans
评价都要中肯D哦~~~