原标题：获海外人妻安排相亲！陈贝儿愿做小鸟
艺人陈贝儿抱病现身新城电台接受薛家燕访问，讲到由她主持的《嫁到这世界边端3》播出后口碑不俗，她开心指收视打破上两辑成绩。
她说：“发现每次节目出街我就会病，上年播《嫁2》就肾有事入院，今次就睇咗3次医生都未好，但如果病得嚟个反应会好，我又唔介意病，可能好紧张收视，每辑都想带啲新鲜感畀大家，好多人都期待紧下星期播嘅男男Pair，佢哋真系好Sweet㗎！”
“嫁到非洲都OK”
Janis笑言私下仍有跟参与过拍摄的人妻联络，甚至开了一个群组，组成“人妻同学会”：“3辑加埋有成20几个人妻，日日都好嘈，会讲煮嘢食、凑仔心得、产前产后护理，比利时人妻生咗5个，最多、最有经验系佢。搵到自己锺意嘅，嫁到非洲都OK！虽然非洲啲男人好大男人，但换个角度睇，嗰种系男儿气概嘅承担、一夫当关，有嘅话我都愿意做小鸟依人。依家病咗都想有人照顾我，煲粥畀我！”续自爆有人妻不断帮她安排相睇：“喺Group介绍佢哋老公啲表哥、表弟畀我，暂时都有两、三个，做住朋友倾吓偈先。”
谂过搵人夫再拍
讲到之前曾指今辑会是最后一辑，Janis表示：“监制一早讲咗，睇吓佢会唔会心软。有谂过㗎！但相对难搵，唔知佢哋愿唔愿意喺镜头面前讲心事，不过男人跟个老婆去住系几有趣。”