原标题：恭喜！马国明星洲称帝，唐诗咏封
TVB艺人马国明、唐诗咏、李佳芯、韩星朴敏英等昨于新加坡出席《星和璀璨星光夜2019》，马国明与唐诗咏凭剧集《白色强人》夺得“星和无线电视大奖”最佳男、女艺人奖，成为新加坡视帝、视后，诗咏领奖时一度眼湿湿，李佳芯则夺得TVB最喜爱角色奖。
团队比个人重要
马国明获封视帝感到非常高兴，并谓：“要多谢《白色强人》监制、编审以及整个团队，唔知系咪人大咗，演戏愈耐，愈觉得成个团队嘅力量比个人力量更重要，观众喜欢呢套剧，都系因为成个团队凝造出嚟嘅气氛。
无论道具、场景、打灯、梳化服等，都好重要，所以要多谢台前幕后每一位工作人员，仲有一班协助我哋拍摄嘅医生、护士，冇佢哋，我哋嘅专业感都冇咁强。总之，团队威力，系我拍呢套剧最深刻嘅感觉。”
全年得一套剧
《万千星辉颁奖典礼》于明年1月举行，马国明现率先于新加坡称帝，问会否令他对香港颁奖礼夺奖的信心大增？他谓：“要分开两件事嚟睇，每一个颁奖礼嘅评审标准都唔同，唔会话拎咗一个，就可以拎埋另一个，随遇而安，尽咗力喇！”
至于唐诗咏夺得视后奖，马国明则表示：“开心，佳芯都有攞奖，郑俊弘主唱嘅《白色强人》主题曲都有奖，总之，呢个剧攞乜嘢奖都好，我都非常开心，因为我今年得呢套剧系有份参与，一定撑到底。请剧组食饭，其实攞咩奖都好，都可以食，就算TVB台庆嗰晚我拎唔到都可以食，冇乜所谓，最紧要整个剧组团队开心。””
最想《白色强人》攞最佳剧集
唐诗咏对《白色强人》于星和扫奖，笑言：“好开心、好感动，呢个系《白色强人》第一个奖，要多谢整个团队，大家拍嘅时候都抱住一个未知心态，因为呢个剧同过往剧集好唔同，唔知观众喜唔喜欢，依家我哋知道观众真系锺意。
冇监制、编审、摄影师等台前幕后就冇呢套剧，虽然唔系台庆剧，但拍嘅时候大家个心态都系冲咗先、博咗命先嘅心态，好多嘢都系未知之数，依家成功咗好感动！”
谈到马国明夺奖，诗咏很开心，并谓：“梗系要马国明攞奖，我哋合作嘅时候冇谂自己有冇，只系好想佢攞到奖，仲有Fred都有攞主题曲奖，都系好开心。”
今次扬威新加坡，问诗咏有没有想过在TVB万千星辉颁奖礼中，可以继续扫奖？她谓：“我好希望可以攞最佳剧集，但都要交番畀观众投票，不过今次攞奖，可以令一啲已经忘记咗呢个剧嘅观众，记番起少少我哋套剧，投最佳剧集一票。呢啲随缘，团队拎到大家开心呀嘛！”
佳芯受访谈及得奖感受：“今次攞奖真系有啲估唔到，因为《白色强人》今次几齐人去，以为系去攞剧集奖，估唔到原来系喜爱角色奖。Kennis个角色其实有啲唔讨好，角色太Cool、又寸、又Mean，开心观众睇角色好立体。听到啲人锺意《白色强人》，觉得连海外观众都支持香港剧，作为演员好开心。”